Um okkur

Heildverslunin Rún ehf. var stofnuð árið 1984 og hefur í rúma fjóra áratugi verið eitt af traustustu heildsölufyrirtækjum landsins á sviði textíls og fatnaðar fyrir fyrirtæki og stofnanir.

Fyrirtækið byggir á sterkum grunni íslenskrar verslunarsögu, rætur þess ná aftur til ársins 1932 þegar Edda Heildverslun, sem síðar sameinaðist Rún, hóf starfsemi sína.

Frá upphafi hefur Rún verið fjölskyldurekið fyrirtæki þar sem gildi eins og heiðarleiki, áreiðanleiki og virðing fyrir viðskiptasamböndum eru í fyrirrúmi. Markmið okkar hefur ávallt verið að bjóða upp á vandaðar vörur og tryggja að þjónustan sé persónuleg, fagleg og traust.

Sjá verslun

Rún þjónustar í dag fjölbreyttan hóp viðskiptavina, allt frá verslunum og fyrirtækjum yfir í hótel, veitingastaði og heilbrigðisstofnanir. Við flytjum inn og dreifum vönduðum vörum fyrir atvinnulífið: hótel- og heilbrigðistextíl, rúmföt, handklæði, starfsmanna- og einkennisfatnað, öryggisfatnað og annan fagtextíl.

Í gegnum árin höfum við byggt upp náið samstarf við erlenda framleiðendur sem deila okkar áherslu á gæði, ábyrgð og faglega vinnu. Heildverslunin Rún hefur þróast í takt við tímann en haldið í sínar rætur, fjölskyldufyrirtæki sem stendur fyrir traustum gildum, fagmennsku og góðum tengslum.

Við trúum því að langvarandi árangur byggi á heiðarleika í viðskiptum, virðingu í samstarfi og stöðugri leit að betri lausnum fyrir viðskiptavini okkar.

Skrá mig hér

Sagan okkar

Rætur Rúnar liggja í einni af skemmtilegri verslunarsögum Íslands.

Fyrsta bifreið Eddunnar, Chevrolet árgerð 1929 með íslenskri yfirbyggingu, fyrir utan Alþingishúsið 1938. Undir stýri Ólafur Magnússon frá Mosfelli.

1932

Edda Heildverslun stofnuð af Thorsurunum, eigendum Kveldúlfs hf., stærsta sjávarútvegsfyrirtækis landsins.

Kreppan

Gjaldeyrishöft ríktu um alla Evrópu og erfitt var að fá greitt fyrir útflutning í erlendri mynt. Sagan segir að Thorsararnir hafi gert vöruskiptasamninga við Ítali: fiskur út, ítölsk vefnaðarvara heim. Edda varð til að koma henni til íslenskra viðskiptavina.

1938

Fyrsta bifreið Eddunnar, Chevrolet árgerð 1929 með íslenskri yfirbyggingu, mynduð fyrir utan Alþingishúsið. Undir stýri sat Ólafur Magnússon frá Mosfelli, starfsmaður Eddu um árabil.

2005

Rún kaupir rekstur Eddu Heildverslunar og söguþráðurinn frá 1932 heldur áfram undir merkjum Rúnar.